Martxel Rodriguez Etxabidek (Lesaka, 1990) Tantirumairu Ikastolan Haur eta Lehen Hezkuntza ikasketak egin eta Labiaga Ikastolan amaitu zuen derrigorrezko heziketa. NIE Saria 2024 eman zaio arteari eta bereziki dantzari dedikazioz eta pasioz beterik egindako ekarpenagatik. Eta, hori baino gehiago, gizatasun eredu delako, inspirazio-iturri delako eta benetako altxor ingurukoentzat. Ikastola mugimenduarekin duen lotura sendoak eta euskara eta euskal kulturarekiko baldintzarik gabeko maitasunak, munduko bazter guztietara harrotasunez eramaten dituenak, merezi dute gure aitortzarik handiena.
ZORIONAK MARTXEL!!!
Euskarazko hezkuntza debekatuta zegoenean, ameslari haiek Ikastolak sortzeko moduak asmatu zituzten.
Dagoeneko Ikastolak ez omen zirenean beharrezkoak, ameslari haiek amesten jarraitu zuten. Euskal Curriculuma amestu zuten, eta materiala Euskal Herrian Euskal Herrirako sortzea, eta pedagogia berritzaileak garatzea…
Umm, baina zein zeintzu du existitzen ez den herri baterako hezkuntza proiektu bat lantzeak?
Ameslariei berdin die; temati jarraitzen dute amesten, eta auto-eraketaren bidez herriz herri eraiki nahi dute Euskal Herri osorako proiektua.
Bai, agian Euskal Herria ez da existitzen. Baina bada eremu bat non herriak Ikastolak sortzen dituen, eta Euskal Herriaren antz handia du.
Ameslari horiek!
_20191009131205Log.jpg)
