Tafallako Enparantza Nagusia

“Nafarroako Frantziskoren plaza” du izena. Pertsonaia hori Nafarroako Erresumako zazpigarren mariskalaren semea izan zen; XV. mendean Tafallan sortua eta Valentziako artzapezpikua izatera iritsi zena.
Martin Saracibar arkitekto gasteiztarrak diseinatu eta Tafallako errege-erreginen jauregiko armen plazaren gainean eraiki zen estilo neoklasikoan. 1858ko abuztuaren 15ean inauguratu zuten. Hiru bloke ditu eta erdi-erdian udaletxea dago. Gaur egun gainerako goiko espazioak etxebizitzak dira eta jatetxe famatu bat ere badago.
Bertan obelisko  bat eta lau kupel dituen iturri polita dago, 1844an Jose Nagusiak eraikia, ur etorrera zela-eta.
1895ean udaletxean Girod erlojua jarri zuten. 1987an berritze obra garrantzitsuak egin ziren eta plazaren behealdea erabat aldatu zuten.
Hasieratik bertatik plaza hau Tafallako bihotza izan da. Bertan ekintza garrantzitsu guztiak ospatzen dira: txupinazoa, kontzertuak, azokak, manifestazioak…  Paseatzeko, egoteko, jolasteko… toki paregabea eta ederra da nahiz arkupean nahiz kanpoaldean.

 

Tafallako Garcés de los Fayos Ikastolako ikasleek egina.