Recoletas Plazako iturria

XVIII. mendearekin eta Argien Mendearen ideia modernizatzaileekin Iruñearen urrezko garai berri bat hasiko da, estolderia berria, kale-zorua harriz estaltzea eta Subizatik Iruñera egindako ubide berria honen lekuko dira. Honela 1788an Luis Paret y Alcázar margolari madrildarrak (Madril, 1747-1799) iturri monumentalen sei diseinu aurkeztu zizkion udalari, zeintzuetatik bost baino ez zaizkigun iritsi.
Plazak komentuaren izena hartzen du, nahiz eta herriak Baratxuri Plaza deitzen dion, ferietan bertan egiten den baratxuri azoka dela eta.
Iturriak lauki forma duen harroin zabala du zeinaren alde bakoitzeko benera edo oskol formako aska bana dituen. Txorrota bakoitza dekorazio begetalez inguratutako tondo borobil baten erdian dago. Goiko aldean, arkitrabe gainean obelisko luzea abiatzen da, honen alde bakoitzean girlanda arteko hiriaren armarria ikus daitekeelarik. Azkentzeko, zapore neoklasikoko lorontzia ageri da.

Zizur Txikiko San Fermin Ikastolako ikasleek egina.