Kontseiluko Plazako Neptunoren Iturria

XVIII. mendearekin eta Argien Mendearen ideia modernizatzaileekin Iruñearen urrezko garai berri bat hasiko da, estolderia berria, kale-zorua harriz estaltzea eta Subizatik Iruñera egindako ubide berria honen lekuko dira. Honela 1788an Luis Paret y Alcázar margolari madrildarrak (Madril, 1747-1799) iturri monumentalen sei diseinu aurkeztu zizkion udalari, zeintzuetatik bost baino ez zaizkigun iritsi.
Plazaren alderik altuenean XVI mendeko Errege Kontseilua zegoen, 1909an eraitsi zutena, hortik plazaren deitura. Aurkako aldean XVIII mendeko Gendulaingo Kondearen jauregi barroko ederra da ikusgai.
Iturriak harroin karratua du eta alde bakoitzeko benera edo oskol formako ponte eta girlandaz inguratutako txorrota bana. Bertatik sekzio zilindrikoa, eta girlanda handiak edergai dituen zati nagusia abiatzen da. Goi aldean erremate neoklasikoaren bukaeran, Neptuno jainkoa, umetxo bilakatuta, izurde baten gainean eta hiruhortzekoa eskutan ageri da.

Zizur Txikiko San Fermin Ikastolako ikasleek egina.