Nabarreria plazako iturria

XVIII. mendearekin eta Argien Mendearen ideia modernizatzaileekin Iruñearen urrezko garai berri bat hasiko da, estolderia berria, kale-zorua harriz estaltzea eta Subizatik Iruñera egindako ubide berria honen lekuko dira. Honela 1788an Luis Paret y Alcázar margolari madrildarrak (Madril, 1747-1799) iturri monumentalen sei diseinu aurkeztu zizkion udalari, zeintzuetatik bost baino ez zaizkigun iritsi.
Erdigunean hazten zen zuhaitzari esker, plazak Zugarrondo izena zuen herritarren ahotan. Halere, iturria Santa Zeziliarena dela esan ohi da. Izan ere, iturri hau Kuria, San Agustin Mercaderes eta Mañueta kaleek bat egiten duten plazatxoan altxatu baitzuten hasieran, dagoeneko existitzen ez den Santa Zeziliaren komentuaren ondoan. 1913an Iturriak izen zaharra eraman zuen egungo kokagunera, Nabarreria Plaza deitzen dugun honetara.
Iturriak hiruki itxurako harroin zabala du zeinaren alde bakoitzeko benera edo oskol formako ponte bat agertzen duen. Hiru aletoik sostengatzen dute gorputz nagusi zilindrikoa, inperial tankerako kopa handi batek errematatzen duena.
Tamalez azken bi hamarkadetan hainbat turistek bertatik jauzi egiteko ohitura ibili dute Sanferminetan eta iturria kaltetu du honek.

Zizur Txikiko San Fermin Ikastolako ikasleek egina.