San Martin Tourskoaren Eliza

San Martin Tourskoa du izena eliza honek eta XVI., XVII. eta XVIII. mendeetan zehar eraiki zen. 1561eko maiatzaren 6an hasi ziren antzinako eliza handitzeko lanak egiten baina  1632an ohartu ziren dena berreraikitzeko beharretan zegoela; hau da, eliza  zaharra bota eta berritik eraiki behar zutela. Obraren amaitze data jartzen du sarreraren sabaian ME COLOCARON AÑO/DE 1736.
Nahiz eta zatika eta hainbertze denboran zehar egina egon , ez da hori nabaritzen, estilo batasun bat mantendu zelako. San Martin, elizari izena ematen diona, elizaren sarrerako eskuin aldeko atean dago zaldi gainean irudikatua. Ate berean ageri da Hirutasun Santua.
Eliza honen edertasuna barruan dago, erretaulak orduko artista ezaguna zen  Tomas de Jauregi gipuzkoarrak eginak dira. Hagitz ederra da, halaber,  Luis Salvador y Carmonak irudigile ospetsuak egindako Ama Birjinaren irudia. Juan de Barrenetxea y Agirre lesakarrak Guatemalatik diru aunitz bidali zuen, eta horrekin ordaindu zitzaien aipatu ditugun artista hauei.

 

Lesakako Tantirumairu Ikastolako ikasleek egina.