Berako Udaletxea

Gaur egun ikusten dugun Herriko Etxea XVIII. mendean sorturiko eraikina da (1776), estilo neoklasikoan.
Harrizko sei arkuk osatzen dute etxeko ataria. Bi balkoi erraldoiez eta hamabi leiho handiz osaturiko fatxada dugu. 1983an, herriko etxea zahar-berritzen ari zirelarik, hainbat margolanen aztarnak aurkitu zituzten. Margolan horiek oinarri hartuta, Julio Caro Barojak horiek berreskuratzeko zirriborroak egiteko ardura hartu zuen eta Ignacio Larramendik, artista beratarrak, zirriborro horiek fatxadan islatu zituen. Gaur egun, Berako artista hauen lana ikus dezakezue Herriko etxeko hormetan.
Orain dela gutxi berritu zuten herriko etxea barrenetik, beti ere kanpoko itxura eta estiloa mantenduz. Egurrezko eskailera zabal eta handiak dira herriko etxearen izaera mantentzen duten barruko elementu esanguratsuenak.

 

Berako Labiaga Ikastolako ikasleek egina.