Andre Maria Eliza

Eraikin ikusgarria da, XIII. eta XIV. mendeetan eraikia. Herriak bizi izan zuen oparoaldiak berrikuntzak ekarri zituen elizan, bai eta artelan ugari erostea ere. Horietako asko barnean dira oraindik.
Eliza gotikoa da, lau tarteko hiru habearte dituena, eta horma bularren artean kaperak. Baditu, halaber, triforioa eta burualde poligonala, gurutze gangek estalia. Oinaldean XIV. mendeko ate bat dago, hiru arkiboltakoa: Ama Birjina eta haurra daude bertan, eta bi aingeru, haiek gurtzen.
Azpimarratzekoa da erretaula nagusia, XVII. mendearen bigarren erdialdean Pedro Margotedok diseinatua. Ama Birjinari buruzko eszenak ageri dira, apostoluak lagun dituela.
Ramoko San Joanen kapera 1787an dekoratu zuen Luis Paretek. Hau da Pareten pintura sailik behinena, kaperako ganga eta maskorren tenperazko pinturak: San Joan Bataiatzaileren bizitzaren irudiak, eta Aingeruak Zakariasi eginiko iragarpena (1786) eta Ikustaldia (1787) koadroak. Pintura horietan, Espainiako rococoaren azken multzo handia osatzen  baitute, Paretek bere artearen gailurra jotzen du.
Kanpoan, mendebaldeko atearen azpian ehortzia dago Zesar Borgia. Monumentu historiko-artistiko deklaratu zen 1931. urtean.

 

Vianako Erentzun Ikastolako ikasleek egina.