San Pedro Eliza

XIII. mendeko eliza zistertar gotikoa, hiru habearte dituena eta abside interesgarri bat, Iruñeko San Saturninoren antzekoa. Portada XVIII. mendekoa da.
Lehen karlistaldian liberalen gudarosteak hartu zuen eta oso hondatuta gelditu zen, hainbeste, ezen ia-ia erabat hondoa jo baitzuen 1844an. Berriki (2010) egonkortu dira aurriak eta egokitu parkea (lehen hilerria zena), bisitatu ahal izateko. 2009ko otsailaren 1ean inauguratu zen eraikinaren zati bat, berritu ondoren, ardandegiak eta eliza ondoko areto bat. Orobat harria garbitu zen eta eraikin guztia sendotu. 2010ean zenbait pintura geruzak estaltzen zituzten fresko batzuk agertu dira. Fresko horiek apaintzen dute zutik dirauen alde bateko habearte gotikoa eta neoklasikoa.

 

Vianako Erentzun Ikastolako ikasleek egina.