Burdinbideko Zubia

Irati trenak (1911-1955) gurutzatzen zuen 17 zubietako bat da, Iruña-Agoitz-Zangoza ibilbidean. Bertan muntatu zuten 1909an, Zaraitzu ibaiaren gainean. Harrizko zutabe batean finkatutako metalezko 20 metroko bi zati zituen. 2007an berritu eta egokitu zuten, galtzada zabaldu, industraldeari zerbitzu hobea emateko. Nahiz industria proiektu handiago baten atala izan (Irati S.A.), aitzindaria energia elektrikoaren erabileran, Iratik zura, lehengaiak eta bidaiariak garraiatzen zituen eta egunero bi zerbitzu ematen zituen. Trenbide meharreko trena zen. XX. mendearen lehen erdialdean, lagungarri gertatu zen zeharkatzen zituen herrixkak ez zitezen hainbeste hustu.

 

Irunberriko Arangoiti Ikastolako ikasleek egina.