Arbizuko Dorrea

Badakigu Arbizuko dorretxea XIV. mendean sortu zela, 1361. eta 1392. urteetan gertatutakoari buruz zenbait dokumentu aurkitu baitira. Dokumentu horien arabera, dorre honek Sakanako ibarraren defentsan paper garrantzitsua zuen.
1521ean, Nafarroa berreskuratzeko erasoaldian, su eman zioten Johan Bertranen etxeari. Ziur gaude “etxe” hori Arbizuko dorrea zela, horregatik esan dezakegu urte horretan suntsitu zela etxe zaharra. Geroago berreraiki bazen ere, lehengo zurezko oholtza ez zen berriro paratu. Haren ordez, orain arte ikus daitekeen harrizko solairua eraiki zen, leiho karratuekin, garaiari zegokion bezala.
1561. urtean Arbizu erre zuten baina, herri guztia erre zen arren, dorretxea izan zen sutatik libratu zen ia eraikin bakarra. Zutik iraun zuen!

 

Etxarri-Aranatzeko Andra Mari Ikastolako ikasleek egina.