Iturmendiko Jauregia

Iturmendiko Arrano Beltza plazaren albo batean, Elizalde kalea hasten den tokian, Iturmendiko jauregia dago. Eraikina XVIII. mendekoa da; Pedro Miguel Bergerandik eta Diego Zumetak eraiki zuten 1767. urtean.
Eraikinaren fatxadan, lehenengo solairuan, hiru balkoi eta hiru leiho daude; bigarren solairuan bi leiho eta erdiko balkoia. Ganbaran armarria, eta alde banatan bi idi-begi. Ataria erdi-puntuko arkuz osatua dago eta arkiboltaz landua. Giltzarrian armarri interesgarri bat dago eta giza irudi bat eta oilar bat ageri dira. Ganbarako armarria neoklasikoa da, lau zatitan banatua: batean arrano bat dago, bestean dorre bat, hirugarren aldean lehoi bat, eta azkenekoan, bandera bat.
Nahiz eta mendeetan zehar jauregi hau Iturmendiko leinu-etxearekin identifikatu izan den, ez dago hori egiaztatzen duen inongo daturik.
Jauregiaren aurrean iturri bat dago, hiru harmailen gainean. Iturriak lau iturburu ditu eta gainean arrano bat.

 

Etxarri-Aranatzeko Andra Mari Ikastolako ikasleek egina.