Andre Maria Eliza (erretaula)

XIII. mendean eraiki zuten estilo gotikoan. Hasieran bere izena “San Salvador”  zen; baina XV. mendean, berritu ondoren, “Andre Maria” izena hartu zuen. XVIII. mendean berritze lan garrantzitsuak egin ziren estilo barrokoan eta horixe da gaur egun ikus daitekeena. 1735eko uztailaren 25ean inauguratu zuten.
Barruan, XVI. mendearen bukaeran, Joan Antxietak egin zuen erretaula erromanista ederra dago. Oso handia da, Itun Berriko ikonografia aberatsarekin erliebeetan eta eskulturetan. Egile honek “Miserereko Gurutziltzatua” ere zizelkatu zuen.
Tafallako zaindari San Sebastianen harrizko eskultura bat ere bada, XV. mendekoa, Jehan de Lomek egina. Irudi herrikoi hori harginaren txapelaren mirariarekin lotzen da.
Koruan 1760ko aulkiteria manierista dago, baita 1735ean Lizarrako Juan Angel  Nagusiak egindako organo barroko handi eta dotorea ere.

 

Tafallako Garcés de los Fayos Ikastolako ikasleek egina.