GU IKASTOLA Hezkuntza euskalduna dugu helburu

GU IKASTOLA, Hezkuntza euskalduna dugu helburu

Euskal Herrian euskara eta euskal kultura berreskuratzeko eta sozializatzeko borrokaren erdian egon da beti ikastolen mugimendua. Izan ere, beste hainbat ekimenekin batera, euskarak bizi zuen jazarpenari eta galbideari erantzuteko sortu ziren ikastolak.

Gure aurretik ikastolak sortzera eraman zituzten motibazio haiek indarrean jarraitzen dute eta gaur hiru erronka handi ditugu:

• Euskara hainbat egoeratan modu kontzientean erabiltzen duten pertsonak heztea.
• Euskal identitate eta kultura ezagutzea eta bizitzea.
• Euskaran ardazturiko hezkuntza-eredua eleanitza eskaintzea.