GU IKASTOLA Ikastola Eredua

Euskal Herri osoan hedatuta dagoen hezkuntza sare bakarra osatzen dugu Ikastolen Elkartean bildutako 114 ikastolek. Batasunak guztiok sendotzen gaitu, eta biharko erronkei erantzuteko indartzen. Horretan ezinbestekoa izan da garatu dugun eta garatzen dihardugun Ikastola Eredua. Urteetan zehar ikastolok hezkuntza eredu berri baten oinarri nagusiak garatuz joan gara: ideia nagusi batetik abiaturik, euskara eta euskal kulturaren transmisioa eta biziberritzea. Ikastolok hezkuntza eta gizarte eragile gisa gara eta gure alorretik gizartearen eraldaketa sustatzen dugu. Ikastolok partekatzen ditugun ezaugarrien multzoari deitzen diogu Ikastola Eredua: izateko, egiteko, ekiteko eta eragiteko dugun moduari.