Tafallako ikastolan urteak daramagu DBH 2. mailan Xake Hezitzailea lantzen eta eskolaz kanpoko jarduera bezala eskaintzen. Xake Hezitzaileak ikasleen garapen integralean eta arrakasta akademikoan laguntzen duten onura esanguratsuak eskaintzen ditu. Jolas entretenigarria izateaz gain, ikasleen garapen integralerako tresna boteretsua ere bada, haien trebetasun kognitiboak indartuz, pentsamendu estrategikoa sustatuz, errendimendu akademikoa hobetuz eta ongizate sozioemozionala sustatuz.
Aurten ikasleek proiektu bat garatu dute non Xake Hezitzailea Karitateko Andre Mariaren Egoitzara hurbiltzen duten. Apustu honek xakearen onura kognitiboak ikuspegi terapeutikoarekin bateratzen ditu eta osasun mentala eta ongizatea sustatzeko modu bat izaten ari da, bai haurrengan, bai adinekoengan ere.
Izan ere, saio horien bidez, ikasleak beren trebetasun kognitiboak hobetzeaz gain, enpatiari eta errespetuari buruzko ikasgai baliotsuak ere ikasten ditu. Horrez gain, bere trebetasun sozialak hobetzen ditu eta adineko pertsonak baloratzen ikasten du, adina jakinduria eta esperientzia iturri gisa baloratuz.
Bestalde, egoitzako kideek xakean aktibitate bizigarri bat aurkitzen dute, beren bizipenak mantentzen laguntzen diena eta komunitatearekin konektatuta sentitzeko balio diena. Adineko pertsonentzat, xakeak burua trebatzeko eta arin mantentzeko modu dibertigarri eta eraginkorra eman dezake, eta horrek narriadura kognitiboa prebenitzen eta Alzheimerra eta dementzia bezalako gaixotasunak garatzeko arriskua murrizten lagun dezake.
Belaunaldien arteko truke horrek komunitate-giroa ere aberasten du, erabiltzaileengan egoitzetako kide izatearen zentzua eta lankidetza sustatuz. Horrela, xake terapeutikoa bizitzako etapa desberdinen arteko zubi emozionala bihurtzen ari da.
Proiektua ez da xakea bera irakastea, baizik eta Ikasleek, adinekoen gaitasunak garatzeko, taularekin eta piezekin hainbat ariketa diseinatzea. Jarduera horiek egingarriak dira haientzat, eta zailtasun-maila handituz doa pixkanaka. Jokoaren ikuspegiak estresa, antsietatea eta bakardade-sentsazioa murrizten lagun dezake, entretenimendu atsegina eta beste jokalari batzuekin konektatzeko modu bat ematen baitu.
Bigarren Hezkuntzako 2. mailako ikasleek egoitza bisitatuko dute ikasturtean zehar hilean behin, proiektuari jarraipena emanez. Ikastolak xake hezitzailea metodo pedagogiko gisa erabiltzeko apustu sendoa egin du eta programa hau beste aurrera pausu bat da.
XAKE HEZITZAILEA
Trebetasun kognitiboen garapena: Xakeak buruko trebetasunak eskatzen ditu, hala nola kontzentrazioa, memoria, arrazoiketa logikoa, arazoen ebazpena eta erabakiak hartzea.
Pentsamendu estrategikoaren sustapena: Xakea etorkizuneko mugimenduak aurreratzeko eta epe luzerako helburuak lortzeko estrategiak formulatzea eta gauzatzea eskatzen duen jokoa da.
Errendimendu akademikoaren hobekuntza: Ikerketa ugarik erakutsi dute xakea egiteak ikasleen errendimendu akademikoa hobetu dezakeela.
Garapen sozioemozionalaren sustapena: Xakeak konpetentzia modu eraikitzailean erabiltzen, porrota kiroltasunez onartzen eta arrakasta apaltasunez ospatzen irakasten die ikasleei.
Inklusioa eta aniztasuna: Xakea joko unibertsala da, eta oztopo linguistikoak, kulturalak eta sozioekonomikoak gainditzen ditu.
_20191009131205Log.jpg)
