Fernando Morillo idazleak Gaumin argitaletxea sortu du, helburutzat duena "irakurleek, batik bat gazteek, literaturaz goxatzea, irakurtzea behar gisa ez sentitzea". Berak idatzitako lau libururekin hasi du ibilbidea argitaletxe berriak: 15 urtetik beherakoentzako ipuin bat eta gazte zein helduentzako misteriozko hiru eleberri.

"Egileak, oro har, salmentaren %10a baizik ez du eramaten, eta normalean askoz geroago (urtebete edo gehiago erraz)", dio Morillok Gauminen webgunean: "Hori ere aldatu nahi genuke. Egileari ahalik eta duinen eskaini nahi genioke bere lanaren fruitua. Fruitu hobexea eta epe laburragoan. Artista izan arren, langile ere badelako: idaztea du ogibide".

ITURRIA: ARGIA, 2011/11/25

INFORMAZIO GEHIAGO: ORTZADAR, 2011/11/26 (Erantsitako dokumentuan)