Informazio gehiago erantsitako dokumentuan
Euskararen Irakaskuntzarako Baliabide Zentroak (EIBZ) Lehen Hezkuntzan zein Bigarren Hezkuntzan gelan lantzeko funtsezko liburuen zerrenda osatu eta liburu horiek irakurketa partekatuaren bidez lantzeko proposamen didaktikoak prestatu ditu.
Egitasmoa duela bi ikasturte abiatu zen Bigarren Hezkuntzan eta 2019ko udazkenean Lehen Hezkuntzara iritsi da. Erantsita bidaltzen dizkizuegu LHrako sei proposamen didaktiko, beste horrenbeste obra lantzeko: Piztiak bizi diren lekuan eta Makilakixki 1. zikloan, Haur Korapiloak eta Eskubeltz taldearen abenturak 2. zikloan eta, azkenik, Ehun ipuin hitz gutxitan eta Jon eta Mirka 3. zikloan.
Liburu zerrenda osoak eta proposamen didaktikoak (PDF nahiz Word formatuetan) honako loturan eskura ditzakezue.
https://sites.google.com/educacion.navarra.es/eskolako-literatur-kanona/
Eskolako Literatur Kanonak bi helburu nagusi ditu:
1. Lehen eta Bigarren hezkuntzako ikasleen literatur gaitasuna lantzeko ezinbestekoak ikusten diren literatur genero askotariko euskarazko literatur lanen corpus zabal eta malgua osatzea.
2. Irakasleei baliabideak eskaintzea, hezkuntza literarioa gelan lantzeko hainbat proposamen eskainiz.
Ahots asko dira esaten dutenak eskolarako kanon berezituaren beharra dagoela. Kanon horretan klasikoak leudeke, baina klasikoekin batera Haur eta Gazte Literaturako kalitate handiko lanek ere eduki behar dute bere tokia.
Lehen Hezkuntzarako aukeraketa eta proposamen didaktikoak Xabier Etxaniz Erle, Asun Agiriano, Idoia Sobrino, Lorena Gil eta Imanol Mercerok egin dituzte. Juan Kruz Igerabide Literatura Unibertsaleko aholkulari gisa aritu da. Hogeita hamarna liburu proposatu dituzte 6-8 urte bitartekoentzat, 8-10 urte bitartekoentzat, eta 10-12koentzat.
Kaixo, JUUL kideak:
Lerro hauen bitartez, eta kanpainari hasiera emateko, egitasmoaren hainbat datu azaltzen duten power point artxiboak bidaltzen dizkizuegu:
- JUUL kanpaina ikastolako erkidegoari begirako aurkezpena
- JUUL kanpaina familiei aurkezpena (euskaraz, frantsesez eta gaztelaniaz)
Baliagarriak izango zaizkizuela espero dugu.
Laster arte, ongi izan,
JUUL ANTOLAKUNTZA
Aurtengo JUUL kanpainaren zenbait data eta hainbat datu gogoratu nahi genizkizueke, horretarako erantsitako artxiboa kontsultatzea gomendatzen dizuegu.
Animo! Badator JUUL!
2018 kanpainari dagozkion ARAUTEGIAK bidaltzen dizkizuegu. Mesedez, dokumentuak harretaz irakurtzea eskatu nahi dizuegu, izan ere, JUUL hauteskunde-eguna egoki antola ditzagun, oso inportantea baita arautegietan agertzen den informazioa (datak eta eginbeharrak) argi edukitzea. Bestalde, boto-txartelen ereduak igortzen dizkizuegu.
Kaixo JUULkide:
Aurtengo JUUL kanpainaren zenbait informazio ematera gatozkizue.
Bozketaren datari dagokionez, boto-txartelaren bidez zein boto elektronikoaren bidez, APIRILAK 2, ASTEARTEA izango da, nahiz eta bozketa egiteko aukera apirilaren 1era ere bai zabalduko genukeen. Datarekin arazoren bat izanez gero, mesedez antolatzaileekin harremanetan jarri.
Erantsitako dokumentuak informazio gehiago dago. Mesedez, arretaz irakurri.
Kaixo, juulkideak:
Gabonak hurbil ditugula, mezu honen bidez, familiei bidaltzen ahal zaien zirkular eredua igortzen dizuegu.
JUUL kanpainak irakurtzeko zaletasuna bultzatzen duen heinean, familiek opariak egiterako garaian, liburuak izatea gomendatzen dugu. Horretarako, liburu gomendagarrien zerrendak eskura jartzen ditugu webgunean.
Zirkularra elebiz bidaltzen dizuegu. Batetik, euskaraz eta gaztelaniaz, eta, bestetik, euskaraz eta frantsesez.
Baliagarria izatea espero dugu.
Agur bero bat,
JUUL arduradunak.
Kaixo, JUUL kanpainako kideak:
Mezu honen bidez, 2018ko JUUL kanpainako kideen ebaluazioaren laburpena bidaltzen dizuegu. Eskerrik asko bidalitako erantzunengatik! Zuen iritzia ezagutzea, oso baliagarria da guretzat.
NAFARROAKO IKASTOLEN ELKARTEA