San Fermin Ikastolak Nafarroa Oinezerako aukeratu duen leloak (Kolore&Hitz) hitzari eman nahi diogun garrantiza islatzen du. Hitza komunikazioaren gako gisa, kulturaren eta gure hizkuntzaren transmisiorako ezinbestekoa, hainbeste aberasten gaituen hausnarketarako ere giltzarri.

Oraingo honetan, ospe handiko hainbat adituri eman nahi die hitza ikastolak, gai garrantzitsu batzuei buruz pentsatzen dutena esan diezaguten: egungo krisia, bai ekonomiaren ikuspuntutik bai filosofiaren ikuspuntutik; zientziaren egoera eta etorkizuna; idazlearen zeregina; justiziaren erronkak… horiexek dira, besteak beste, zikloan jorratuko ditugun gaiak. Antolatutako hitzaldiek kultura-balioa erantsi nahi diote 2012ko Oinez jaiari, gure ikastolarekin zerikusia duten pertsonei zein gainerakoei eskainita.